Božica Jelušić: GOSPON GAŽI

GOSPON GAŽI*
In memoriamPravi gospon bil je Pavle Gaži,
Kak v životu , tak isto na glaži.
I na platnu i vudren na kipec,
Ni ga pojel ni štakor ni pikec.
Bil je bister, kak su dravske struje:
Za “Podravku” po svetu se čuje!
Znal je kak se tanca i popeva,
Zlato polja v jestvine preleva!
On je imal se kaj drugi žude:
Čast, poštenje, dobru veru v ljude!
Med Podravci kak jagnjed je zrasel;
Z hudom družbom ne bi ovce pasel!
Gospon Gaži išel je za zvezdom,
Štimajuč se z svojem rodnem gniezdom!
Med oblaki vre škornje obuva;
Mak vu polju spomenek mu čuva!
*Pavle Gaži, 1927-2021